Corruption laka fihlim thlan a pawimawh – Robert Romawia

MP atan huaisen leh sawisel kai lo, corruption laka fihlim thlan chu kan ram, kan hnam leh sakhua a him nan a pawimawh tih MLA Robert Romawia Royte chuan a sawi.
Hachhek bial fang mek he bialtu MLA hian, Mizoram aiawhtu tur Lok Sabha member kan thlang dawn a, kohhran inzawmkhawm pawl leh NGO-te duh danin corruption laka fihlim, Kristiante thlavang hauh ngam, ram leh hnam tana Parliament chhung leh pawna huaia taka ding ngam thlanchhuah a pawimawh, tiin, “Mi tha, huaisen leh sawisel kai lo, corruption laka fihlim hi kan ram, kan hnam leh sakhua him nan thlan ngam a pawimawh,” a ti.
Tuna MP candidate 6 zingah mi tha tak tak an awm laiin, sawisel kai an awm nia social media-a an hmu chu vanduaithlak a tih thu Robert Romawia Royte hian sawiin, “Jail tang tur thlang chhuak dawn ila chuan vote a hlawm tha viau maithei, mahse, jail tang tur niloin Parliament-a kan aiawha thu tur kan thlang dawn a. Kohhranin nasa taka political education min zirtir tawh avangin kan aiawh tur hi mipuiin i duhtui ang u,” a ti.