Court-in excise policy thubuaiah Kejriwal chhuah

Court-in excise policy thubuaiah Kejriwal chhuah
Delhi court chuan CBI-in excise policy case, zu zawrh thubuaia puh mi 23-te chu Zirtawpni khan a chhuahtir vek a, Aam Aadmi Party (AAP) hruaitu, chief minister hlui, Arvind Kejriwal leh deputy chief minister hlui, Manish Sisodia te pawh an tel.
CBI chuan trial court thutlukna hi high court-ah appeal nghal a rel a, chhui chianna eng emaw zat chu ngaihthah leh ngaihtuah kim tawk loh a nih thu a sawi.
Court-in thutlukna a siam hnu hian Kejriwal-a hian thuthar lakhawmtute a kawmnaah, “Ka eiru lo. Court chuan Kejriwal leh Sisodia te hi an rinawm thu a sawi a ni,” tiin mittui a tla chungin a sawi a. Anh thubuai hi India indan hnua politic-a inphiarna lian ber a nih thu a sawi bawk.
Thupek hi Special Judge Jitendra Singh-a’n a siam a ni a. Court chuan thubuai siamsakte lakah hian chhuituten finfiahna an thehluhte zingah tanchhan tha engmah a hmu lo tih a sawi.
Kejriwal leh Sisodia te hi he thubuaia man zingah hian an tel a, CBI-in a chhui mek a, a hmaa AAP sorkarin a kalpui, tuna tihtawp tawh, excise policy-a eirukna a awm nia sawi thubuai a ni a. Kejriwal leh Sisodia te hi Delhi-a chief minister leh deputy chief minister an nih laiin man an ni.
“Court thupek hian Kejriwal leh AAP hi ‘Kattar Imaandar’ [dead honest] an nihzia a tichiang,” tiin Kejriwal chuan a sawi.
CBI hian kum 2022 khan chargesheet hmasa ber a thehlut a, hemi hnu hian supplementary chargesheet tam tak a thehlut leh a. A vaiin thubuai siamsak mi 23 an ni a, chung zingah chuan Kejriwal, Sisodia, K Kavitha, Kuldeep Singh, Narender Singh, Vijay Nair, Abhishek Boinpally, Arun Ramchandra Pillai, Mootha Goutam, Sameer Mahendru, Amandeep Singh Dhall, Arjun Pandey, Butchibabu Gornatla, Rakesh Joshi, Damodar Prasad Sharma, Prince te an tel News agency ANI report chuan Kumar, Chanpreet Singh Rayat, Arvind Kumar Singh, Durgesh Pathak, Amit Arora, Vinod Chauhan, Ashish Mathur, leh P Sarath Chadra Reddy te chu a tarlang.