Court-in West Bengal sorkar hnenah hriattir pe
Calcutta High Court chuan nilaini khan West Bengal sorkar chu an state chhunga buaina thleng thinah a tul anga hma la vat thin turin a hriattir.
Court chuan mipuiten an dikna chanvo hmanga thil an tihna reng rengah venhimna leh thil thleng palh thei laka venhimna pe rang thuai turin a hriattir a, chu chu sorkar mawhphurhna a nih thu a hriattir bawk.
Chief justice TS Sivagnanam kaihhruai division bench chuan West Bengal assembly-a opposition leader Suvendu Adhikari-a’n Kali Puja atanga ni khat hnua Rajabazar leh Narkeldanga area-ah buaina a chhuak nia sawiin, hemi chungchang hi an ngaihtuah thu a sawi a. He thil ngaihtuah a nih lai hian sorkar hnena thupek tur hi lungrual taka pawm a nih thu sawiin, mipui tam tak he buainaah hian an inhnamhnawih phah niin a sawi bawk.
Sorkar ukil erawh chuan he thil hi thudik tawk lo a nih thu a sawi a, eptu lam chuan thil nihna bakin an sawi niin a sawi thung.
He tharum thawhna thleng avang hian dan leh thupek kengkawhtute chuan officer thenkhat pawhin hliam an tawrh phah thu sawiin, FIR paruk ziahluh a nih thu an sawi bawk a ni.
Sorkar aiawha ding Dutta chuan thil thleng kaihhnawihah hian mi 23 chuang man an nih thu sawiin, court chuan thlirna tlang khat chauh a hmang nia a lan thu a sawi.
Court-in West Bengal sorkar hnenah hriattir pe
Get real time updates directly on you device, subscribe now.