Court sang berin Manipur hnenah report kimchang pe turin ti
Supreme Court chuan Manipur sorkar hnenah tuna an state-a chi leh chi inkara buaina chhuak mek avanga hmun leh bungrua khar leh tihchhiat te, mi ram inluahsak ang chi zawng zawng a kimchanga hriattir turin a ti.
Court sang ber hian heng ram inluahsak leh thil inhalsakah hian state sorkarin a titute lakah engtin nge hma a lak tih pawh hrilh turin a ti bawk.
Chief Justice Sanjiv Khanna leh Justice Sanjay Kumar te thutna bench chuan hemi chungchanga thu lut hi ngaihtuahin January 20-ah ngaihtuah nawn leh turin a ti.
Nikum August thla khan court sang ber hian high court-a hmeichhe judge thin pathum awmna committee dinin buaina chhuak tuartute tanpui leh zangnadawmna pek dan enpui turin a ti a. Hemi rual hian Maharashtra police chief hlui, Dattatray Padsalgikar-a chu dan bawhchhiatna thleng chhuina enpui turin a ruat bawk.
May 3, 2023 atanga Manipur-a chi leh chi inkara buaina chhuak avang hian mi 160 chuang an thi tawh a. He buaina hi a mi cheng tam zawk, Meitei-ten Scheduled Tribe-a telh ve an phutna duh lohna lantira tribal-ten tlangram district-a ‘Tribal Solidarity March’ an huaihawt atanga intan kha a ni.
Court sang berin Manipur hnenah report kimchang pe turin ti
Get real time updates directly on you device, subscribe now.