April atangin Mizoramah Covid-19 hrileng a hluar tha leh a, vanneihthlak takin a zia leh mek.
IDSP te’n an chhinchhiah danin, thla liam ta July-ah khan Mizoramah mi 12-in hri an vei a, thla hmasate ngaihtuah chuan a tlahniam hle.
June-ah khan mi 116-in hri an vei a, tun thla nena khaikhinin hei hi a tam a, mahse a hma thla May nena khaikhin chuan a tlem. May-ah khan mi 375-in an vei a, chuvangin June pawh kha a tlakhniam thla a ni tawh.
Covid-19 hrileng hi nikum kum tawp lamah a zia a, nikum December ni 12 hnuah hri vei hriatchhuah thar an awm hnuah mi dang an awm lo vang vang a, kumin February ni 28-ah pakhat hriatchhuah a ni. March ni 2-ah pahnih an awm leh a, mi dang an awm zui lo leh.
April ni 1-ah hriatchhuah thar pakhat a awm a, ni 13-ah pahnih an awm leh. Chumi hnu chuan a pung ta a, April ni 22-ah mi 15-in an vei tih hriatchhuah niin, hei hi nikum November ni 10 hnua hriatchhuah thar an tam ber ni a ni. May ni 1-ah phei chuan hriatchhuah thar zat hi 34 a ni.
July thlaah hian sample 160 endik a ni a, chung zinga 7.5% (mi 12) chuan hri an vei. Hemi thlaah hian hri vei mi 16 enkawl dam an ni.
Mizorama hri vei hriatchhuah hnuhnun ber chu July ni 12-a mi a ni a, July ni 18 hnuah hri vei enkawl an awm rih lo bawk.
Covid-19 hrileng zia zel
Get real time updates directly on you device, subscribe now.
Prev Post
Next Post