Covid laia thil dik lo awmte chhui dawn

Covid laia thil dik lo awmte chhui dawn
Karnataka chief minister Siddaramaiah chuan Covid-19 hri len laia thil dik lo awmte chu cabinet in a pawmpui hnuah chhui a nih dawn thu sawiin, report engkim neih a nih tawh thu a sawi.
Report thehluttu sub-committee chuan BJP in sorkar na an chan laia covid-19 hripui leng changchawiin hmanrua leh damdawi an lei danah thil dik lo a awm ngei niin an tarlang a, Justice Michael D’ Cunha, commission of inquiry in report a pekte chu enfiah mek a nih thu CM chuan a sawi bawk.
Hubballi-a thuthar thehdarhtute a kawmnaah pathianni khan Siddaramaiah chuan, ‘Cabinet hnen a la thleng lo a, sub-committee chuan report te hi enfiahin, a peihfel thawkhat tawh. Cabinet in kan dawn veleh kan sawiho ang,’ a ti.
Karnataka health minister Dinesh Gundu Rao chuan zirtawpni khan hripui len laia hmanrua leh damdawi lei chungchanga thil dik lo thleng nia sawi chungchangah Yediyurappa leh minister hlui B Sriramulu te chu thubuai siamsak turin commission chuan rawtna a lo siam tawh tih a lo sawi tawh bawk a ni.