Criminal law thar pathumte chu July 1 a\anga India ram puma hman \an a nih hnuah pawikhawihna July 1 hmaa mite chuan dan hlui an la hmang thung ang.
Bharatiya Nyaya Sanhita (BNS), Bharatiya Nagarik Suraksha Sanhita (BNSS), leh Bharatiya Sakshya Adhiniyam (BSA) te chuan colonial-era criminal codes Indian Penal Code, 1860 (IPC), Code of Criminal Procedure, 1973 (CrPC), leh Indian Evidence Act, 1872 (IEA) te a thlak ta a ni.
Amit Shah chuan, “Pawikhawihna July 1, 2024 hmaa tihte chu dan hlui hmangin la kalpui a ni ang a. July 1 hnu lam a mi zawng chu dan thar hnuaiah ngaihtuah a ni tawh thung ang” a ti a. Dan leh a kaihhnawih technology upgrades vek chuan kum thum kum li lai hun a la duh dawn a ti bawk a.
“Police station tin technology in a la thleng lo va. Mahse, BNS chu ram pumah hman tur a ni” tiin Shah chuan a sawi a, August 15 hma in Union Territories tinah pawh hman a ni hman ang a ti a. Bharatiya Sakshya Adhiniyam tan bik inpuahchahna a ngai a, BNA, BNSS tan chuan a ngai lo a ti bawk.
Shah chuan mipa te laka sexual crime pawh Supreme Court-in thutlukna a siam hunah ngaihtuah a ni ang a ti bawk a.
Union Home Minister Shah chuan Gwalior a motorcycle inruksak chu dan thar hnuaia case registered hmasa ber a ni a ti bawk.
Criminal Law thar pathum hmang tan
Get real time updates directly on you device, subscribe now.
Next Post