Meth an ti a, methamphetamine sawina a ni. Ruihhlo hlauhawm a ni a, meth a\ang chuan ruihhlo hlauhawm crystal meth a chhuak thar leh. Chu ruihhlo chu police te’n an man hnem ta hle.
Crystal meth hi 2023-ah Mizoram Police-in an man \an a, chumi hnu chuan cheng vaibelchhe 267.98 man tur an man tawh.
CID-Crime Branch te’n an chhinchhiah danin, 2023-ah crystal meth hi kg 49.005 an man a, hei hi Rs 1,47,01,50,000 turah an chhut. 2024-ah kg 35.155 an man leh a, Rs 1,05,46,50,000 man tura chhut a ni. Kuminah March ni 20 thleng khan kg 5.169 an man tawh a, Rs 15,50,70,000 man tura chhut a ni.
Mizoramah crystal meth hi kg 89.329 an man tawh a, a vaia belhkhawmin Rs Rs 2,67,98,70,000 man tura chhut a ni.
Crystal meth hi a to a, kg 1 hi cheng vaibelchhe 3 man vel a ni dawn tihna a ni.
A man a to bakah an man zat pawh hi a tam a, Mizoramah man tur a tam tih a lang. Chawhrualin thla tin kg 3.3 an man tihna ang a ni a, ni tin gram 110 an man tihna ang a ni.
Police leh excise & narcotics department lam chuan meth hi Mizoramah man tur awm mah se meth ti \hin an la awm lovah an ngai a, crystal meth pawh hi ti \hin an la awm lovah an ngai.
Meth leh crystal meth man tur awm mah se Mizoram pawna mi tur a ni \hin tih an sawi a, hmun hla tak taka mi turte pawh a awm thin an ti.
Crystal meth man zat
Kum A zat A man
2023 Kg 49.005 Rs 1,47,01,50,000
2024 Kg 35.155 Rs 1,05,46,50,000
2025 Kg 5.169 Rs 15,50,70,000
(Mar 20 thleng)
Crystal Meth cheng vaibelchhe 267 man tur man tawh
Get real time updates directly on you device, subscribe now.
Prev Post