Zan hnih riaka Champhai district tlawhtu chief secretary Dr Renu Sharma chuan Inrinni khan Champhai leh a chhehvela sawrkar hmalakna tlawhin a enfiah.
Chief secretary chuan sawrkar leh pawl anga hmalakna hrang hranga bawhzui ngai leh sawrkar anga umzui tulte ngaihtuah zui tum tih sawiin, sawkar hmalakna project pawimawhte a nihna ang tur taka chhawr tangkai a tul thu leh a hun taka zawhfel mai bakah hna tlo leh tha, ram tana rotling ni ngei tura siam a pawimawh tih a sawi.
PHE Department kaltlanga Non Lapsable Central Pool of Resources (DoNER) sum cheng vaibelchhe 19.88 senga siam Keilungliah tuikhuah, kumin April 1-a Union Home minister-in a hawn chu a tlawh a. Keilungliah tuikhuah enkawl tura sawrkarin a din, District Level Committee hmalakna hrilhfiah a ni. UD&PA Department hnuaia hnawm sakhat sawngbawlna – Solid Waste Management Centre Mualkawia din pawh tlawhin, hmalak tawh chinte a enfiah a, hmabak la awmte thawh chhunzawm thuai a nih theihna’n fund pek chhuah leh tur tulte pawh a bawhzui nghal a ni.
Zokhawthar tlawhin Land Customs Station (LCS), Immigration Check Post (ICP) leh 42 Assam Rifles COB te a tlawh a, hmalakna enfiahin thawktute a kawm. Special Assistance to State for Capital Investment (SASCI) sum cheng vaibelchhe 15 senga Zokhawthar LCS tihchangtlun hna kalpui mek a enfiah bakah PMAY-G hnuaia in sak tanpuina dawngtu leh Zokhawthar Fair Price Shop kalpui dante a enfiah bawk.
CS-in sawrkar hmalakna enfiah
Get real time updates directly on you device, subscribe now.
Next Post