CYMA-in sava bo zawn hmuh ngei duh

Central YMA hnuaia ruihhlo do tura din, Central Anti Drugs Squad-in kumin July 1-a ruihhlo tawlhru an umzuina lama an man tel, Mizorama cheng ngai lo sava – Lears Macaw, Aizawl Sahuana dah tura an pek tak tunhnaia bo ta daih chu zawn hmuh leh ngei an duh tih an sawi.
Central YMA thuchhuak chuan, he sava, Aizawl Sahuan bawma an dahluh hi him taka awm tura an ngaih laiin, July 2 khan a bo tih hriat a ni ta chu an hrethiam lo hle tih a sawi a. He sava bo hi hmuhchhuah a nih ngei theih nan leh a mawhphurtute zawngchhuak a, hrem an nih ngei theih na’n hma la turin Environment Forest & Climate Change department hotute an ngen tih a sawi.