CYMA-in zirlai tithate chawimawi
Central YMA chuan kumin HSLC leh HSSLC Exam-a Mizo zirlai top ten-a tling mi 59 an chawimawi.
Zirlai 59 hnenah hian chawimawina thuziak leh lawmpuina sumfai hlan a ni a. HSLC-ah mi 22, HSSLC (Arts) 16, Science 11 leh Commerce-ah 10 an ni.
CYMA president Lalhmachhuana chuan Mizo thalaite chu rui thle mai mai vek an ni loa, entawntlak tak tak, taima leh thawkrim an awm a. Ram leh hnam tana hmabak neitha tak tak chu YMA chuan beiseina sang takin an thlir reng tih a sawi a ni.
Planning secretary Lalmalsawma Pachuau chuan zirlai tha bikten ram leh hnam hmangaihna rilru nen lehkha zir a tul tih a sawi a. A thiam bik ni ve pha lote pawhin mawhphurna an nei tih a sawi. Lehkhabu chhiar tam turte, writing skill neitha tura inzir zel turte, tha taka exam hmachhawn dan tur inruahmantha nei turte, midang nena inpawhna tha neithiam tur leh inthununna nei turin a fuih a ni. Liando Auto Works hotu David R Lalsawmtluanga’n zirlaite fuihna thu a sawi bawk.
‘MBSE hnuaia HSLC leh HSSLC exam 2025 result chhuakah a pumpuiah HSLC-ah 76.68% leh HSSLC-ah 81.10% in hlawhtlinna an chang hi Central YMA chuan lawmawm kan ti a; pass zawng zawngte kan lawmpui a ni,’ an ti.
CYMA-in zirlai tithate chawimawi
Get real time updates directly on you device, subscribe now.