Dam chhung atan Udinese fan an phuar

January ni 20 Serie A match pakhata AC Milan leh Udinese inkhelh tum khan Milan goalkeeper Mike Maignan chuan khelmual a chhuahsan hmain referee hnenah mipui lam atanga a vun rawng avanga auhnawm-nah thawm ri (racist chants) a hriat thu hrilhin, inkhel pawh rei vak lo tihtawp a ni a; thil thlen dan an chhuichian hnuah Udinese-in an fan pakhat hming tarlan loh chu a dam chhunga an team inkhel en thei tawh lo turin an hrem.
Maignan khan a chunga thil thleng a sawi hnuin a team-mate zawng zawngin an keeper laka diriamna thleng avangin khelmual an chhuahsan a; a hnuah khelmual staff leh police lamin security ca-mera hrang hrang hmang-in a titu an zawng a, Udinese supporter pakhat an rekchhuak ta a ni.
Maignan hian Sky Sports Italy hnenah a hun tawn sawiin, mipui lam atanga zawngte hrama hram ri a hriat thu leh thil tisualtute chu na taka hrem ni se a duh thu a hrilh.
Karliamta Inrinni vek khan Coventry City mihang player Kasey Palmer pawhin Championship match-a Sheffield Wed-nesday nen an inkhelh tumin chi inthliarna lam hawia chhaih nawmnah a nih thu a sawi ve bawk.