Damdawi in tan open library pe

Jawahar Navodaya Vidyalaya (JNV) School chuan Thawhlehni khan Integrated Ayush Hospital Thenzawla thawktu leh damlote tan open library an hlan.
JNV principal Anish Parmeshwaran chuan open library hi a hlan a. Serchhip district chief medical officer Dr LP Malsawma thuchah chhiarchhuah a ni. Integrated Ayush Hospital resident medical officer Dr HT Zothanmawia, JNV Parents Teachers Committee chairman Liantluanga Renthlei leh JNV senior teacher Pradeep Rajput ten thu an sawi a ni.
Serchhip District CMO chuan JNV-in damdawi in phuisuina tur ngaihtuah a, hetiang thil tih nachang an hria chu lawmawm a tih thu leh damdawi ina thawkte leh damloten tangkai taka open library an hman a duhsak tih a sawi.
JNV School Thenzawl hian Ayush Hospital-a thawktu leh damloten an hman turin lehkhabu dahna almirah leh Sap tawnga ziak lehkhabu chi hrang hrang 70 vel an hlan a ni.