India ram huapa sawrkar damdawi in tha bik tehna – NQAS (National Quality Assurance Standards) certificate chu Sialhawk Primary Health Centre hnena pek thar a ni. Heti hian Mizoramah NQAS certified facility 9 a awm ta a ni.
Health & Family Welfare minister Lalrinpuii chuan, hetiang dinhmun thleng tura theihtawp chhuahtu thawktu zawng zawngte chungah lawmthu a sawi a. India rama damdawi in tha bik thlanchhuah kan neih belh zel chu Mizoram tan mellung pawimawh tak a ni, tiin, thawktute inpekna leh thawhho thatna avang a ni tih a sawi.
“Hetiang dinhmun luah ve thei tur hian midang pawhin tan la zel ila, chutih lai chuan, lawmman dawnna atan mai ni lo, kan hnathawhna theuhah taimak chhuah chhunzawm zel a, kan thawhho thatna hi kan nunphunga bet tlat turin tha thlah loin tanrual a pawimawh a ni,” a ti.
Sialhawk PHC-a thawktu zawng zawng, State Quality Team, District Quality Team leh Mizoram Health Systems Strengthening Project Team inpekna rah chhuah fakawm a tih thu Health minister hian a sawi bawk.
Damdawi in tha, NQAS certificate hmu tur hian hian district level, state level leh national Level atangin tehna hrang hrang paltlang a ngai a; Sialhawk PHC hian 79% a hmu. Damdawi in tha tehnaah hian tehfung hrang hrang 2000 chuang a awm a ni.
Damdawi in tha bik tehnaah Sialhawk damdawi in thlang
Get real time updates directly on you device, subscribe now.
Prev Post
Next Post