Damdawiinah firfiak an man thu Israel in sawi
Israel sipaite chuan Gaza hmar lama beihpui an thlaknaah Kamal Adwan damdawiin atangin Hamas firfiak ni ngeia hriat za chuang an man thu thawhtanni khan an sawi.
Gaza health official ten Hamas te chu damdawiina an awm loh thu an sawi an chhanletnaah Israel chuan thuchuah siamin, zirtawpnia he damdawiin an dan behnaah hian firfiak za chuang an man thu an sawi a, an mante zingah hian civil mite an tlanchhuahtir laia an zinga tlanchhuah ruk tum firfiakte thlenga an man chhuah thu an sawi a ni.
Gaza lam hian Israel hi an sawichhe nasa hle a, an medical staff zinga mipa tam tak an man thu sawiin, damdawiin thawktute chu hnathawk thei lova an siam thu an lo sawi tawh a, Israel chuan hei hi dawt muhlum a nih thu an sawi ve thung.
Israel sipaite sawi danin firfiakte hian inphen nan damdawiin hi an hman thu an sawi a, an luhchhuah tum pawh hian civil mite tumah an tihnat loh thu sawiin, inthiarfihlim tura an hriattir thu an sawi bakah, civil mite zingah hian firfiak thenkhat chu putrua chhuah tum an awm thu sawiin, an hriatchian em avanga an man nghal zel thu an sawi.
Damdawiinah firfiak an man thu Israel in sawi
Get real time updates directly on you device, subscribe now.