Dampa MLA-in Chakma Kut senso atan centre-ah sum nawrpui tiam

Dampa MLA-in Chakma Kut senso
atan centre-ah sum nawrpui tiam
Chakma Kutpui – Biju hmanna atan sawrkar laipui lamah sum nawrpui a tum thu MLA Dr R Lalthangliana chuan a sawi.
Zirtawpnia khan ‘Marpara Zone Young Chakma Association (YCA) 5th Annual Conference’ Hnahva-a neih a hmanpuinaah Dampa bialtu MLA Dr R Lalthangliana chuan, YCA state level Biju chu kuminah chhim lamah neih an tum thu leh, nakumah Mamit district-a neih an tum thu an hruaituten an hrilh tih a sawi a. Hetiang ni pawimawh bikah hian sum leh pai ruahmanna a awm ngai loa, a bikin minority area bik MLA-ten tangkhawmin, sum khawn khawn tawh loin Minority ministry-ah emaw Tribal ministry atangin emaw cheng vaibelchhe khat tal hetiang atan bik hian dah a nih theihnan Delhi lamah nawr a tum tih a sawi a ni.
“Mizorama awm vek kan ni a, kan tawng leh culture inanglo viau mah se, kan inzawmna erawh tha takin kan siam reng tur a ni. Zoram chhunga cheng tawh phawt chuan Zoram nuam taka siam hi kan hnapui ber ni se,” tiin, nakinah chuan an hunpui nikhuaah YMA leh YLA pawh inunauna tha zawk neih theihna turin sawm ve thin turin a chah.
Thorang bial leh Dampa bial huap Marpara Zonal YCA hian khaw 17 huamin branch 15 an awm. He hun hi Ningani atang khan an hmang a, vawiin – march 20 hian a tiak ang. Chakma hnam lam leh zai hrang hrang entir a ni.