Dan bawhchhiaah two wheeler tam ber

Mizoramah lirtheiah two wheeler
a tam ber a, khawlai tlan tam ber pawh a ni ang. Dan bawhchhiat vanga manah pawh a tam ber chu two wheeler khalhtu an ni.
Kuminah October thla thleng khan Aizawl khawpuiah traffic police te’n dan bawhchhiat vangin lirthei 13298 an man tawh a, chung zingah chuan two wheeler a tam ber lawr lak; two wheeler hi 9283 a ni.
Lirthei chi hrang hrang zingah dan bawhchhiat vanga hremah two wheeler hi LMV-in a dawt a, dan bawhchhiat vanga October thlenga hrem tawh zat chu 2919 a ni. Lirthei tam lamah pawh LMV hi two wheeler dawttu a ni thin.
Taxi 595 hrem an ni tawh a, HMV 377, bus 78 leh MMV 34 te hrem a ni tawh a, hrem zingah hian lirthei chi dang 12 a tel bawk.
March thlaah hrem an tam ber a, lirthei hrem zat hi 2051 a ni. Thla dangah chuan 2000 a tling ngai lo. October kha hrem an tlem ber thla a ni a, 872 hrem an ni. February-ah khan lirthei 942 hrem an ni bawk.
Lirthei 13298 hremna atang hian sum hi Rs 96,33,312 a lut tawh a, a tam ber thla chu lirthei an hrem hnem ber thla March kha niin, Rs 15,31,300 a lut.

Lirthei hrem zat

Thla Lirthei

January 1093
February 942
March 2051
April 1625
May 1683
June 1525
July 1200
August 1111
September 1196
October 872