Dan rual loh ‘Dana’ a hrang chho e

Dan rual loh ‘Dana’ a hrang chho e
Cyclone Dana chuan nimin atang khan Odisha leh West Bengal a nuai tan a, ruah nasa tak surin, thlipui tleh phei chu darkar khata km 110 chuangte a nih thu sawi a ni.
Thlipui hian Odisha a Kendrapara district leh Bhadrak district nuai na zualin, hmun tam takah leimin a thlen bawk a, inbiakpawhna hrang hrang a tichhe nual bawk.
Hmun tam takah kawngpui a chhiat phah a, thingkung tlu a tam hle bawk niin thuneitute chuan an sawi.
Sorkar chuan kawngpui thenfai leh mihring chhanhim ngai an awm em tih an enfiah reng a, chhanchhuah hnathawktute hi darkar 24 chhunga tanpuina thawk thei tura inring reng turin a hriattir a ni.
Ruahtui a tam em avang hian chet lak zung zung a la har thu sawi niin, IMD chuan thlipui hi tuipui chhung lama a kal zel avangin a na lo telh telh thung dawn niin an sawi a, hei hian chhiatna nasa zawk thlen belh tur a tihtlem rin a ni bawk.