Darkar 59 chhung game khelin record siam

Hungary a cheng Barnabas Vujity-Zsolnay chuan darkar 59 leh minute 20 chhung World of Warcraft game khelin, Guinness World Record, MMORPG (massively multiplayer online role-playing game) videogame khel rei record a siam. Budapest-a chef hna thawk Barnabas hian a hmaa hetiang record chu darkar 23 leh minute 31-n a rawn khum a ni. Barnabas hian World of Warcraft videogame khel rei ber record a siam nghal bawk a ni. A record siam lai hi Hungarian gaming website esport1.hu studio atangin live stream a ni a, he record siam atanga a sumtuak chhuah zawng zawng chu charity-ah a hlan vek dawn bawk a ni.
World of Warcraft hi MMORPG dang ang tho a ni a, player ten character siamin, virtual world an dai dar thi a, chutah chuah sakawlh leh thil rapawm tak tak te hmachhawnin, player dang te nen an khelho thei bawk a ni.
Barnabas hian a tirah chuan a thiante nen an khel ho a, player te nen an indo pah bawk a. Mahse, darkar 30 vel a kelh hnuah chuan a ning tawh hle a, thil tih tur a nei vak lo tan a, darkar 45-na velah chuan a mit a vai nasa tawh a, thil a hmu sual nasa tawh hle a, “A nuihzatthlak duh khawp mai, live streaming laia ngaihtuahna sawrbing te a har tawh,” a ti.
Guinness inkaihruainaah chuan Barnabas hian darkar khat a khelh apiangin minute 5 zel chawlh a neih thei a, a chawlh chu a khawl thei bawk. A chawlh neih chhung hian ei leh in bakah zunram thiar te leh han mutthluk zawk te pawh a tih hman vek a ngai a ni.