Defence technology sawihona
Mizoram larsap-in a hmanpui
Geospatial World buatsaihin Thawhlehni khan New Delhi-a a tum 15-na atan ‘Indo Pacific GeoIntelligence Forum 2025’ neih a ni a. Mizoram larsap Gen. Vijay Kumar Singh (Retd) chuan a hawng.
Larsap chuan Indo Pacific Region chu khawvela sum leh pai than chakna hmun bakah ram venhim kawnga hmun pawimawh tak a ni, tiin, Geospatial technology leh GeoIntelligence chu hemi ram huamchhunga awmte tana hmanraw tangkai a ni a, geospatial data ruk chhuah a nih lohnan venhim a tul tih a sawi.
Indo Pacific region chu khawvel huap ang pawha insumdawntawnna hmun pawimawh, khawvel mipui zatve aia tam mah chenna leh ram leilung hausa tak a ni tih Gen. Vijay Kumar Singh (Retd) hian a sawi a. Boruak munawm leh ralmuang a awm zel theihnan thiamna sang zawk, next-generation GeoIntelligence hmanraw hrang hrang – AI, machine learning, spacial computing leh a dangte chhawr tangkai a tul tih a sawi a. Indo Pacific region-a awmte chu tun hun leh nakin zel thlenga boruak muanawm a awm theihnan ngaihtuahna senga helam hawia hma la tur leh thawkho turin a sawm tih a sawi a ni.
A hawnna inkhawmah hian sawrkar laipui Ministry of Defence principal advisor Lt.Gen. Vinod G Khandare, Esri International government sales manager Adam Reedy leh Indian Navy deputy chief of Naval Staff Vice Admiral Tarun Sobti ten thu an sawi bawk.
Indo Pacific GeoIntelligence Forum hi defence lam kaihhnawih thiamna chi hrang hrang zir tura intawhkhawmna niin, chenna hmun azir leh, sik leh sa inthlak avang emawa buaina awm thei leh changkanna avanga danglamna thleng zirho thin a ni.
Kumin thupui atan ‘NextGen Sovereign GeoIntelligence Assets for Regional Security’ tih hman a ni a, vawiin – March 6 thleng a awh ang. Hemi hun chhung hian sawm bik mithiamten defence technology kaihhnawih hrang hrangah zirtirna an pe dawn a ni.
Defence technology sawihona Mizoram larsap-in a hmanpui
Get real time updates directly on you device, subscribe now.