Degree nei thiamna tak tak pawchhuak si lo pung zel

India ramah education industry vul mekin $117 million hu zetah college thar a piang nasa takzet. Chutihlai chuan India thalai sang tam tak te chu thiamna tak tak nei si lovin an gradute thung a, chu chuan economy dinhmun thaa growth awmzui zel thei tur a tithuanawp dawn tia sawi a ni.
Hna neih duhin thalai tam tak te chuan degree pahnih thum an nei hial a. College fahrah te te ah te, billboard hmanga degree neih ruala hna hmuhsak tiamna te chu an pan nasa hle.
India a top institutes of technology leh management te chuan khawvel huap pawha business chief ni pha Alphabet Incs CEO Sundar Pichai te, Microsoft CEO Satya Nadella ang te an chherchhuak a. Chutihlai chuan India rama private college te reuh te te regular class pawh nei mumal hleithei lo leh zirtirtu training mumal pawh nei lo, curriculum thing tawh tak la hmang te an awm nei nuai bawk tiin Bloomberg tena an zirchiannaah tarlan a ni.
Khawvel hmun tinah zirlai ten degree lak chu sum sen nen a inhen em tih te an ngaihtuah mek lai a ni zawk a. Higher education chuan khawvelah inhnialna a siam hrim hrim a, US ah pawh hlawkna duh institution te chu sorkar in a chhuichiang mek reng a. Mahse, chung te ai chuan India ram zirna danglam dan chu thuk zawk tak a ni.
India chu khawvela mihring tam em em na niin khawvel ram dang zawng aia thalai hnathawk rual ngah ber ram a ni bawk a. Tichung chuan India graduate zahve lawih te chu hnathawka chhawtlak loh tia sawi niin a chhan ch education system chhiat vang tiin talent assessment firm Wheebox te chuan an sawi.
Mahse sumdawng tam tak ten quality education in ang lo nei nuai avangin hnathawk tur an duh ang an hmuhlohna a ni tlat thung. Hei vang hian India ramah unemployment chu 7% lai niin khawvela jamor economy thang chak ber ni chunga unemployment ngah ber an ni tho bawk a.
Chumai bakah education chu Prime Minister Narendra Modi an harsatna chinfel a ngaih pawimawh ber a ni pha lo hrim hrim a, foriegn manufacturer leh investor te chu China aia India a inbun turin hipkhawm a tum thung a. PM Modi chuan a thusawiah hna nuai tel siam a intiam a, unemployment chungchang hi national election 2024 ah sawiho hlawh ber tura ngaih a ni.
“Kan industry in a mamawh bik thiamna nei bik chhawr tur ka hmu lo va, chung te chu market ah hmuh tur an awm mai mai lo” tiin Yeshwinder Patial, director for human resources, MG Motor India chuan a sawi.
India rama education moon mek hi kawpui lian Bhopal angah te chuan fiahtaka hmuh theihin a awm a. Bhopal khawpuiah chuan billboard ah private college ten thalai te chu degree bakah hna tiamin an inzuar nasa hle a. “Regular class leh hna hmuhsak nghal theihna : Sawi belh a ngai em ni” tihte chu advertisment a inzawrh duh dan a ni.
Hetianga intiamna te hi thalai India rama hna vanna angah chuan itloh har tak a ni a. Tun hmaa mihausa leh awm theite chauhin an neih theih degree sang te chu middle leh low-income family atangin an ther ferfur tawh bawk a. Bloomberg in a kawm thalaite zingah zirna lama investment tih nasat chu kawppui neih awlsam nan te, sorkar hna neih nan te leh an social status tihthat nan te tulah an ngai a ni.
Bhopal a cheng kum 25 a upa Yanmay Mandal chuan civil engineering ah bachelor degree zir nan $5,000 lawih a pe a, a degree lak chu hna tha hmuh nan leh nun nuam zawk pe theitu tura a ngaih a ni. A fee thla khata an chhungkua $420 vel chauh lalut tan chuan a sang hle chungin an hnar ngam lo. Mahse, Mandal chuan engineering a zawh fel meuh hnuah pawh construction chungchangah te an zirtirtute thiam lem loh avangin hlawkna a neih phah der lo. Hna interview a hmachhawnah technical question a chhang thei lo va, kum thum chuang hna nei lovin a la awm a. A tihngaihna hre lovin master degree lak tumin private institution dangah inziaklut lehin chu chu a social status tisang thei tu tura a gnaih a ni.
India education industry hian kum 2025 ah $225 billion a hawlh tawh dawna ngaih niin kum 2020 khan $117 billion hu niin India Brand Equity Foundation, government trust chuan a tarlang a. Chutihlaiin India in education a sorkar in sum a sen chu GDP atanga chhutin 2.9% chauh a ni a, sorkar in new education policy a kalpuia 6% tura a tih nen chuan a inthlau vai vai hle.
India ram college hrang hranga harsatna tawh bawk chu zirtirtu indaihlohna leh facility chhia a ni a. January thla khan Himachal Pradesh a Manav Bharti University chu fake degree hralhah puh niin thubuai siamsak an ni bawk.
Hei bakah hian a lema degree pekchhuah a tam hle a, Kum 2018 khan school education secretary hlui Anil Swarup chuan college 16,000 chuang lai bachelor’s qualifiation for teachers degree pechhuak an awm a, a tak takah chuan a tam zawk chu a hming maia institution awm a ni a ti.
Human resource firm SHL tena zirchianna an neihah engineer zingah 3.8% te chauh chuan software kaihhnawih start-up ah te hnathawk tura thiamna an nei an ti bawk.
Tunlaiah company lian ber ber ten electric vehicle manufacturing, artificial intelligence leh human-machine interface lam thiamte rawih tur an mamawh laiin Indian unversity tenau zawk te zirlai chu hlui lutuk tawh niin internal combustion engine bulthut te an la zir laih laih chauh, tiin Mohandas Pai, chief financial officer of Infosys Ltd. ni thin leh board member and co-founder of private equity firm Aarin Capital chuan a sawi.
Modi sorkar chuan kum 2020 khan new education policy a pharh a, hei hi institution te quality zawka siam tumna a ni a. Chu mi kal zelah chuan foreign university ten India ramah campus an neih leh degree an pek a remti ta bawk.
Tunlai thalai te tan hna hmuh chu harsa zual tak tura ngaih niin chutihlaiin unemployment chu time bomb ang mai niin India a thalai hmun thuma thena hmun khat lawih chu la zir mek, hnathawk lo leh training la mek an ni, tiin World Bank chuan a tarlang a, chutihlaiin thahnem tak te chu sual leh pawikhawihna lamah an tlan mek a ti bawk a. Nikum khan thalai hna hmu thei lo thinrim te chuan rail traffic leh highway te dangchatin a thenah phei chuan an hal bawk tawh