Delhi airport hnaihah Diwali hmain eng kahchhuah chi khap

Delhi airport hnaihah Diwali hmain eng kahchhuah chi khap
Ministry of Civil Aviation (MoCA) chuan thuchhuah siamin, Diwali hman hma chhung zawng Indira Gandhi International (IGI) airport hnaih, kilometer hnih huamchhungah lehkhachhaih hmanga eng kahchhuah chi siam leh balloon thlawk thei chi reng reng chaih leh chhuah a khap a, hei hi mitin himna tur a nih thu a sawi.
He a thuchhuah hi thlawhna hmanga zin veivakte himna leh boruak bawlhhlawh tur vengtu a nih bakah, Diwali hlim taka mitinin an hman theihna tura inruahmanna chikhat a nih thu aviation thuneitute chuan an sawi.
Asst. Commissioner of Police, Palam (IGI) airport chuan he thuchhuah hi October ni 21 atanga December ni 19 thleng awh tur a nih thu sawiin, eng kahchhuah chi reng reng chu khap a nih bakah, airport bul hnaihah phei chuan an vil uluk hle tur thu a sawi.
Mimal leh pawl, zirna in bakah, hnathawhna hmun hrang hrang leh company te chu an khap hnuah tilui lo tur leh siamchhuak lo tura ngen niin, tilui an awm chuan Sec. 223 (a) of BNS hmanga hremna pek tur an nih thu tarlan a ni.