Delhi CM tharin minister zawng zawng thutkhawm ko

Nimin khan Delhi chief minister thar Atishi chuan Delhi Secretariat-ah a minister zawng zawng kokhawmin, project kal lai mek leh hnathawh dan tur hrang hrang a sawipui.
An thusawi zingah hian CM hlui leh AAP convenor Arvind Kejriwal thubuai vanga hna tam taka tihkhawtlai mek chungchanga hmalak zui dan tur pawh a tel nia sawi a ni.
Atishi chuan, khawtha leh ruahsur hnuaia hnathawh chak dan tur thlenga an rel thu sawiin, kawngpui tha zawk enkawl dan turte an ngaihtuah thu a sawi a, PWD kawng chu ngaihtuah ngai nasa a nih thu leh Delhi mipuite chu kawngpui tha neih phu an nih thu sawiin, khawpui pawimawh zual phei chu CM hmasa hmalakna chhunzawma siamthat lehzual vek an tum thu a sawi.
Report thenkhatin a sawi dan chuan, ningani khan CM hlui Kejriwal chuan Atishi chu ni thum ni li chhung ngeia hna kal lai leh hnathawh tur awmsa khailak mek zawng zawng chhunzawm thuai turin a lo hrilh tawh niin an sawi a. Tuna Atishi-i’n a minister te a kokhawm pawh hi chumi bawhzuina chu niin an sawi bawk.