Delhi Mayor thar AAP party Mahesh Khichi
Ningani khan Delhi chuan mayor thar thlangin Aam Aadmi Party (AAP) candidate Mahesh Khichi chuan a khingpui BJP candidate Kishan Lal chuan vote thumin a hneh.
Mayor pahnihte hi an vote hmuh a inthlau loh em avangin uluk taka chhiar niin, chhiar chhung pawh a rei hle nia sawi a ni a, a tawpah chuan AAP lam hian hnehna an chang ta a ni.
Delhi assembly inthlanpui chu nakkum kumtirah neih a nih dawn avangin tun tuma municipal inthlan hian nghawng a nei lian tel hle tura ngaih a ni a, rorel lai AAP tan hmasawnna lian tak a ni tel bawk.
Mayor thlanna hi April thla atang khan thuneihna inchuh avangin hun rei tak chhung tihkhawtlai a ni tawh a, tun tum Municipal Corporation of Delhi (MCD) inthlanah pawh hian seat pariat neitu Congress chuan vote an thlak lo nia sawi a ni.
Mayor bakah hian Deputy mayor pawh thlan mek niin, chanchin ziah lai thleng hian result la tarchhuah a ni lo thung a, AAP lam chuan an hui leh ngei an inrin thu an sawi.
Delhi Mayor thar AAP party Mahesh Khichi
Get real time updates directly on you device, subscribe now.
Next Post