Delhi sorkarin budget pharh mai thei lo

Finance Minister of Delhi Kailash Gahlot chuan March 21 khan Central Government chu Centre leh AAP sorkar te national capital-ah issue hrang hrang avanga an inbakkaih avanga Budget pharh tur tihtawpsakah a puh.
“Nimin khan Central sorkar chuan kan budget pharh tur min tihtawpsak a. Mi tinin March 21-ah budget pharh a ni dawn tih an hria a. List of business a awm a ni a. March 10 khan Budget chu MHA ah thawn a ni,” tiin a sawi a.
“Nimin khan tlai lam dar 2 velah MHA te chuan zawhna thenkhat an nei a. Chief Secretary leh Principal Secretary (Finance) te ka biak hnuah MHA atangin dar 6 ah file ka hmu let a, tlai dar 9 ah L-G hnenah kan thawn leh a, dar 10:30 velah file a lo let leh a ni. Mipui thlan sorkar chu Budget pharh thei lova siam niin chu aia constitution kalh chu a awm reng reng lo,” tiin a sawi.
Delhi sorkar budget 2023-24 hi Thawhleh khan pharh tura ruahman niin mahse Kejriwal pawl leh Central sorkar te chu budget head hrang hranga sum dah chungchangah te an ngaihdan a inang lo a ni.
Ministry of Home Affairs (MHA) chuan budget pharh tur hi dangin hei vang hian Delhi Assembly-ah pharh tura ruahman niah pharh theih a ni lo an ti bawk a.
Assembly House-a thusawina a neihah file chu Principal Secretary (Finance) ah zan lamah kan thawn a ti a. “Zing lamah ka biak chuan email leh physical file-in MHA hnenah an theh luh thu min hrilh a ni,” tiin a sawi a.
“MHA hnen atanga letter ziah chu 5:30 PM-ah March 17 khan a ni a, mahse, finance minister chuan March 20 tlai lam dar 2 thlengin MHA atangin letter a dawng tih a inhre lo. Hei vang hian he thil hi chhui chian ngai a ni,” tiin a sawi bawk.
Gehlot chuan Chief Secretary chuan Finance Minister hnenah letter chu a keng ngei ngei tur a ni a, chu chu dan anga tihmakmawh a ni a. “Hetianga budget ruahman te tihtawp a nih chuan eng nge mipui thlan sorkar neih a tulna? Eng nge Cabinet neih a tulna?” tiin a sawi bawk.
“Hei hian eng nge nghawng a neih? Budget pharh a nih loh chuan hlawh lak theih lohin a zui mai dawn a. Chu aia constitution kalh chu a awm chuang lo. He thil hi chhui chian ngei a nih a ngai a ni,” tiin Finance Minister chuan a sawi bawk.
A hma pawhin Delhi Chief Minister Arvind Kejriwal chuan Prime Minister Narendra Modi hnenah ‘Delhi budget dang suh’ tiin ngenna a lo siam tawh bawk a.
“Tun hi kum 75 chhunga State Budget dan tum khatna a ni a. Delhiites te tihmangan a ngai em ni? Delhi budget hi tikhawmuang suh u. Delhiites te chuan he budget hi pass turin a ngen che u a ni,” tiin Chief Minister lehkhathawn chuan a tarlang bawk.