Department-ten PM Gati Shakti hman zir
Bhaskaracharya National Institute of Space Applications and Geo-Informatics (BISAG-N) leh Ministry of Development of North Eastern Region (MDoNER) bultumin Thawhlehni khan Aizawlah PM Gati Shakti of Mizoram chungchang inhrilhfiah a ni a. Mizoram sawrkar hnuaia department 40 aiawh an tel.
Planning and Programme Implementation secretary Lalmalsawma Pachuau chuan PM Gati Shakti portal hi Mizorama department hrang hrangin an hriatthiam tawk loh vangin an la chhawr tangkai tawk lo tih a sawi a. Workshop neih zawh hunah chuan Geographic Information System (GIS) behchhanin project an siam tawh anga, project insiamthuah palh leh diklo a awm tawh dawn lo tih a sawi. Concept paper leh detailed project report kenga Delhi kalpui thinte, e-mail leh dâk hmanga thawn thinte, bawhzui ngai thin chu online hmangin a tih theih vek tawh dawn tih a sawi bawk.
DoNER senior director (IT) Vivek Gupta chuan PM Gati Shakti portal chungchanga a pawimawh zual a sawi a. A hnuaia hmalakna peng pakhat – ‘Poorvottar Vikas setu’ chu India hmarchhak state 8 puala siam niin, tun tum workshop-ah pawh thlur bing a ni tih a sawi. Hindi thumal – Poorvottar Vikas Setu tih hi, Poorvottar- hmarchhak, Vikas- hmasawnna, setu- lei (bridge) tihna a ni. Hmarchhak state-ten India ram state dangte ruala hmasawnna rahbi an tuk ve theihnan sawrkar laipui nena thlun zawmtu lei, tihna a ni. Poorvottar Vikas Setu portal kaltlanga project hrang hrang buaipui dan leh a kaihhnawih thil pawimawh a sawi a ni.
Workshop-ah hian Poorvottar Vikas Setu portal hman dan zir niin, DoNER Gati Shakti Portal leh Single Mater Plan (SMP) portals live demonstration neih a ni a. Sawiho zui niin, zawhna awmte chhan a ni.
Department-ten PM Gati Shakti hman zir
Get real time updates directly on you device, subscribe now.
Next Post