Lungkhawdur-in khualzin hip ring

Lungkhawdur-in khualzin hip ring
Lengteng bialtu MLA, minister F Rodingliana chuan a bial chhung Vanchengpui khuaa Lungkhawdur hmun chu khualzin hiptu hmun a nih ngei a ring tih a sawi.
A bial chhung fanga thang mek F Rodingliana hian Thawhlehni khan Lungkhawdur hmun hi a tlawh a, khawtlang hruaitute nen an inkawmnaah helai hmun hi hmun mak danglam bik, tourist nasa zawka hip thei tur nia a hriat thu sawiin, rampawn khualzinte bakah Zoram mipui tam zawkin an hmelhriat a, khualzinmi tam zawk a hip theih nan a hmuna tlawh a ni tih a sawi.
Mizoten kan tourist site neihte kan ngaihhlut thiam a, kan humhalh a, kan enkawl that a tul tih sawiin, “Lungkhawdur hmun pawh mi tam zawkin tlawh zel se ka duh a, a hmun hlutna hrechiang lehzual tur leh Pathian kutchhuak mawi leh hlu tak hi Mizoram mipuiin hlutna chang hriaa tlawh ve zel turin ka sawm a ni,” a ti.
Commerce & Industries minister F Rodingliana hian Khawzawla Commerce building a tlawh nghal a ni.