Deputy Chief Minister ban phutin rorel lai tibuai

July 11, 2023 (Thawhlehni) khan Bihar sorkar a eptu party BJP te chuan rorel lai RJD Dy.CM Tejashwi Yadav chu land-for-jobs scam chungchang avanga a ban phut in Assembly rorel kal lai chu tibuaiin Speaker chuan chawhnu dar 2 thleng house thutkhawm chu a titawp a ni. Speaker chuan, “House ah hian tihtur pawimawh tak tak chhawpchhuah a nih laia thil kal tawh avanga he house zahawm tak rorel lai tihbuai a ni leh opposition te nungchang mawilo tak avangin rorellai tih tawp a ni” tiin a sawi.
Bihar state rorelna a opposition party BJP te buaipui ber chu RJD Chief Lalu Prasad Yadav hunlai a Railways hnuaia hna lak chungchang a ni a. Railways hnuai ah hian ni tamtak hna pek niin hemi aiah hian an ram tha tak tak te tlawm tete in Yadav chhungkaw hnenah an hralh thin a, kar hmasa lawka chargesheet an siam ah pawh Lalu Prasad Yadav leh a nupui Rabri Devi te hming a lang a ni.
Tun tuma opposition te lungawi lohna ah hian Dy.CM Tejashwi Yadav hi chu inhnamhnawih lo mahse central a BJP an sorkar lai denchhen in Bihar a opposition BJP te hian an rawn thar thawh leh mai niin a lang a, he an buaina hunlai hi chuan Dy.CM Yadav hi chu naupang mai a la ni tiin a thlavang an hauh ve bawk.