‘Dhurandhar’-in vbc 1,200 la lut tawh

‘Dhurandhar’-in vbc 1,200 la lut tawh
Ranveer Sing leh Akshaye Khanna te channa Bollywood movie, spy thriller ‘Dhurandar’ chuan Thawhtanni kalta khan cinema hall ticket hralhna atangin cheng vaibelchhe 4.5 la lut lehin, tihian kar 5 chhungin cinema hall ticket hralhna atangin cheng vaibelchhe 1,212 a la lut tling ta.
‘Dhurandhar’ hi December ni 5 khan cinema hall-ah an chhuah tan a, heta tang hian kartin cinema hall ticket hralhna atangin cheng vaibelchhe 100 a la lalut tling ziah a, ni tin cheng vaibelchhe 10 chuang a la lut ziah bawk a, mahse, tunkar Thawhtanni kalta atang khan a vawi khat nan a ni khat lak luh hi vbc 10 hnuailamah a awm ve ta a ni.
‘Dhurandhar’ hian India bikah cinema hall ticket hralhna atangin cheng vaibelchhe 932 a la lut tling tawh a, ram dang atangin cheng vaibelchhe 280 a la lut tawh bawk a, tihian an tlangzarh atanga ni 32 chhungin cheng vaibelchhe 1,212 a la lut tling ta a ni.
‘Dhurandhar’ hi Bollywood film chauh ni lo, Indian film tlangzarh tawh zinga sum lak luh tama pangana a ni pha tawh a, Indian film market thatna Middle East-ah an la tlangzarh lo chung pawhin hetiang dinhmun hi a thleng pha tawh a, Bollywood film-ah chuan India-a sum la lut tam ber a ni tawh bawk.
‘Dhurandhar’ hian South Indian film hit zet mai ‘RRR’ pawh sum lak luh tamah a umpha teuh tawh hle a, ‘RRR’ hi 2022-a tlangzarh ka niin, cheng vaibelchhe 1,230 a la lut thei a, hei hi tunkar tawp hmain ‘Dhurandhar’ hian a khum ngei dawn niin an chhut bawk a ni.
‘Dhurandhar’ film-ah hian Raveer chu Hamza lemah changin, India tana enthlatu, Karachi-a rawlrala chethinte enthla tura an zinga intat lut lemah a chang a. He spy thriller hi Aditya Dhar direct niin, Akshaye Khanna bakah Arjun Rampal, Sanjay Dutt leh R Madhavan te pawhin role pawimawh an chang a, a film chhunzawmna Part 2 pawh March 2026-ah an tlangzarh leh dawn a ni.