‘Die With a Smile’ a la lar ber

Lady Gaga leh Bruno Mars hla hit ‘Die With a Smile’ chu Billboard Global 200 chart-ah a No.1 a, he chart kar sarih a No.1-na a ni ta a, Benson Boone ‘Beautiful Things’ nih rualin kumina he chart-a No.1 ni rei ber ni ta.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga kar khat chhunga official-only streams (subscription leh ad-supported audio leh video music services) leh download sales te chu tehna pawimawh a ni.
Die With a Smile hi kar khat chhungin khawvel huapin stream maktaduai 115.5 streams leh sales-ah 8,000 a la tling thei a, hei hi chart-ah a No.1 pui leh ta a ni. Tarlan tawh thin angin he hla hi Gaga leh Mars te tan he chart-a an hla No.1 kai thei hmasa ber a ni bawk.
He chart-a kar thum No.1 thei Billie Eilish ‘Birds of a Feather’ chu No.2-ah bawk awm lehin, Sabrina Carpenter-i’n chart top 10-ah hla pathum a nei leh a, kar sarih chhung a zawnin hetiang hi a nei ta a, kuminah chuan he chart-a hetiang tithei awm chhun hi a la ni.
Carpenter hla ‘Taste’ chu No.4 atangin No.3 a kai thar leh a, chart No.1 pawh lo ni tawh ‘Espresso’ chu No.5 atangin No.4-ah a insawn leh a, kar hnih No.1 thei ‘Please Please Please’ chu No.7 atangin No.10-ah a tawlh ve thung.
The Weeknd leh Playboi Carti ‘Timeless’ chu No.3 atangin No.5-ah a tawlh ta bawk.
Billboard Global 200 Top 10:
1 Die With A Smile – Lady Gaga & Bruno Mars
2 Birds Of A Feather – Billie Eilish
3 Taste – Sabrina Carpenter
4 Espresso – Sabrina Carpenter
5 Timeless – The Weeknd & Playboi Carti
6 Good Luck, Babe! – Chappell Roan
7 A Bar Song (Tipsy) – Shaboozey
8 Si Antes Te Hubiera Conocido – Karol G
9 Beautiful Things – Benson Boone
10 Please Please Please – Sabrina Carpenter