Veteran freediver Peter Colat chuan dil tui chunglam khang hnuaiah thawk la miah lovin meter 100 a thui tui a hleuh a, Guinness World Record chi hnih a siam.
A record hmasa siam nan hian kekawrbul chauh hain a hleuh a, a record pahnihna chu monofin (sangha mei ang deuh, tui hleuh chak nana kea an bun thin) vuah chungin a hleuh ve thung a, vur hnuaia liluh dawna thawk lak bak boruak hip belh miah lova tui hleuh thui ber record chi hnih a siam.
Peter hian kekawrbul chauh ain meter 106.25 (feet 348.5) a thui a hleuh a, a hmaa hetiang record chu metre 25 (feet 82)-in a kum a, monofin vuah chungin metre 114.2 (feet 374.6) a thui a hleuh ve thung a, a hmaa hetiang record chu meter 4 (feet 13)-in a khum bawk.
Freediving chu tui chhunga thawk theihna hmanrua engmah hmang lovin tui chhunga liluh a ni mai a, tuia an luh dawna thawk an lak bak la nawn tawh lovin an liluh vang vang mai thin. Peter, kum 52, hi Europe-ah pawh freediver hriathlawh tak a ni a, Swiss championships title 16 leh international competition title panga a nei tawh nghe nghe a ni.
Record i Tannheim, Austria-ah dil tui chunglang khang chhungah a siam a, a luh tanna tur leh a chhuah lehna tur an tikua a, meter 25 danah exit hole an siam thliah bawk. Vur tui vawt tak hnuaia liluh a nih avangin a hlauhawm em em a, safety diver ten pawnlam atangin an lo thlithlai reng bawk a ni.
Dil tui khal hnuaia meter 100 a thui tui hleuhin record siam
Get real time updates directly on you device, subscribe now.
Prev Post
Next Post