District hmasawnna tur duang

District Planning Committee (DPC) Aizawl chu an chairman, bawrhsap Er. Lalhriatpuia kaihhruaiin Nilaini khan an thukhawm.
India ramin kum 2047 ralhmaa ram changkang (developed country) nih tuma hma a lakna, Vikshit Bharat @2047 peng pakhat atana district level-a District Planning Committee hmalakna thuamchak tura din Mizoram District Transformation Programme chungchangah DPC hian 2025 November 7 khan orientation meeting an lo nei tawh a ni.
District Catalytic Intervention Plan-a telh tura project hrang hrang siam sawiho a, thlitfim a nih hnu ah hman theiha peihfel a ni.
Thutkhawmah hian Aizawl district-a MLA zingah Aizawl South II bialtu Lalchhuanthanga a tel a. MLA dang chuan an aiawh an tir a ni.
MLA Lalchhuanthanga chuan sawrkar department hrang hrang thawhho that pawimawh zia leh thawhho thiam a tul zia sawiin, deparment tin chu an project theuh tha taka tih hlawhtlin a nih theihnan theihtawp chhuaha hma la turin a chah.