District ngiattuten a hming thlak

Kawrthah District Demand Committee tia district nawr meknaah a huang zauhin Hachhek District Demand Committee tia thlak a ni a, a hruaitu atan pawh he bial huamchhung amite inruat thar a ni.
Kum 2021 khan Kawrthah All NGO leh Joint Village Council chuan Kawrthah District Demand Committee hi din a ni a. He Committee hian an ngaihtuah that hnu ah khawbil anga hma la zui zel loin, Hachhek biala khaw hrang hrang – VC/YMA/YBA nen Thawhtanni khan an inrawnkhawm a. Lungrual takin Hachhek District Demand Committee tia hming thlakin hruaitu tur an siam nghal a ni.
Chairman-ah Lalvenhima Ralte, VCP Kawrthah; vice-chairman ah Lalruatliana Sailo, VCP Kawrthah South; Lalthawhpuia, VCP Tuidam; Lalrintlinga, VCP Bunghmun an ni. General secretary-ah Johny Lalrinpuia, Taitesena Group YMA secretary niin, hruaitu dang engemawzat – Hachhek bial huamchhunga NGO hrang hrang hruaitute an awm bawk.