Siaha district Tipa (Tuipang) damdawi ina medical officer awmchhun chu tunhnaiah sawnchhuah a ni a. Tipa khawtlang chuan a thlaktu tur dah bawk si loa doctor awmchhun laksak tum an ni chu duhloin July 24 zan atang khan a chhuak tur an dang.
Tipa Joint Action Committee (all VC’s & NGO’s) chuan Tipa Primary Health Centre-a doctor awmchhun chu Champhai district Sesih PHC-ah sawrkarin a sawn a; a insawn chhuak tur an phalloh avangin Ningani khan Tipa Centenary Square-ah vantlang inkhawm huaihawtin, Tipa khua chu British sawrkar awp hunlai atang tawha hriselna lama sawrkar ngaihpawimawh ni thin a ni a, hun lokal zelah state sawrkarin a ngaihthah ta lutuk chu na an tih thu an sawi.
Tipa Sub Division huamchhunga mipui pan ber Tipa PHC, tunhnaia Community Health Centre-a hlankai tak chu, CHC anga enkawl tur leh tuna doctor awm mek sawnchhuak lo tura Mizoram sawrkar hnena an ngennaah, sawrkar atanga thu lawmawm an hmuh hma chu doctor dan an huaihawt hi an kalpui zel dawn tih an sawi a ni.
Doctor awmchhun sawnsak A chhuah phal loin an dang
Get real time updates directly on you device, subscribe now.
Prev Post
Next Post