Doja Cat ‘Paint the Town Red’ a lar ber

Doja Cat ‘Paint the Town Red’ a lar ber
Doja Cat hla hit ‘Paint the Town Red’ chu kar khat chhunga khawvel huapa hla lar ber niin, Billboard Global 200 chart-ah a No.1 a, e chart-a kar thum a No.1-na a ni ta. Hetihtrual hian Drake leh SZA hla ‘Slime You Out’ chu No.3-aha debut bawk.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian officia-only streams (subscription leh ad-supported audio leh video music services) bakah download sales te chu tehna pawimawh a ni.
Doja Cat ‘Paint the Town Red’ hi kar khar chhungin stream maktaduai 89.8 leh download sales 12,000 la tling thei a, hei hi a kar thum nan chart-ah a No.1 pui leh ta a ni.
He chart-a kar sarih No.1 ni thei Jung Kook ‘Seven’ featuring Latto chu No.2-ah bawk a awm leh ta. He hla hi July thla kaltaa a tlangzarh kha niin, an tlangzarh atanga kar sarih chhung chart-ah a No.1 thei a ni.
Drake ‘Slime You Out’ featuring SZA chu stream maktaduai 52.1 leh sales 2,000 tlingin No.3-aha debut a, Drake tan he chart top 10-a lang thei hla 30 a neih tlinna niin, he chart top 10-a lang thei hla ngah ber a nihna a sawh nghet lehzual a ni.
Chart No.1 hlui Olivia Rodrigo ‘Vampire’chu No.3 atangin No.4-aha tawlh a, Taylor Swift ‘Cruel Summer’ chu No.6 atangin No.5-ah a insawn thar ve leh ta bawk.
SZA ‘Snooze’ chu No.42 atangin No.6-ah a invawrh a, he hla hi a remix featuring Justin Bieber an tihchhuah thar hnuah hralh a kal thar leh a, stream pawh 60%-a pungin vawi maktaduai 41.7 stream niin, sales 3,000 a nei bawk a, hei hi chart-ah a No.6 pui ta a ni. Heti hian SZA pawhin he chart top 10-a lang thei hla panga a nei tling ta a ni.