Dolly Parton-i’n Hurricane Helene relief-ah $2M a thawh

Dolly Parton chuan Hurricane Helene avanga chhiat tawkte chhawmdawl nan dollar maktaduai 2 a thawh dawn tih a puang. Dollar maktaduai khat chu a personal bank account atanga a thawh tur niin, hei bakah hian a sumdawnna hrang hrang Dollywood leh Dolly Parton’s Stampede tih ang chi te atangin dollar maktaduai khat dang a thawh dawn bawk a ni.
Parton, kum 78, chuan, “|henkhat chuan reh rei min lo ti mai thei. ‘Khawnge Dolly?’ te an ti a. Midang ang bawkin thil awmdan thlir chungin, engtia hmalak nge tha ber ang tih ka ngaihtuah a ni,” a ti.
Parton chuan, “Ka han tlir kual a, ‘Kan tlang te, kan lui ruam leh lui te leh a mi chengte ka mi leh sa te leh kan in te a ni ve vek…Hei hi lo hria ula ka duh chu a ni, ka hrereng che u, in zingah ka tel ve, ka hmangaih vek che u,” a ti bawk.
A sum thawh, dollar maktaduai 2 hi Mountain Ways Foundation-ah an chhung lut dawn a ni. Parton hi tanpui ngaite tanpui kawngah a mikhual lo hle a, 2021 pawh khan Tennessee a tuilian tuarte chawmdawl nan dollar maktaduai a lo thawh taw a, 2020-ah pawh Vanderbilt University-a vaccine research atan dollar maktaduai a thawh a, 2016 khan kangmeiin chenna in a tihchhiat te chhawmdawl hna thawk turin My People Fund a din tawh bawk.