Draper tana Masters 1000 title hmasaber
Pathianni Indian Wells final-ah 6-2, 6-2-a Denmark tlangval Holger Rune hnehin Britain player Jack Draper chuan a career-a title hraw ber a hlawhchhuak a, a vawikhatna’na Masters 1000 title a lak rualin Thawhtannia ATP ranking thar tarchhuahah a hmasaber atan world top 10 huang a luah ve ta bawk a, world number seven a ni.
Kum 23-a upa Draper hian world ranking-a number 14-na ni chungin California desert-ah a hringnuna hun pawimawh tawngbuain, Grand Slam tournament hnuaia tennis tournament lian ATP Masters event-ho zinga leval sang ber Masters 1000 final vawikhat a khelhnaah a champion nghal a; Dane world number 13 Rune thung kha Masters 1000 final vawili a khelhnaah pawh a la champion zo lo tluang zel.
Jack Draper hian karliamta Inrinni khan semi-final match pakhat zawkah defending champion Carlos Alcaraz a hneh a, kha ta tang khan champion tura ngaihna a lian chho nghal a ni.
Draper tana Masters 1000 title hmasaber
Get real time updates directly on you device, subscribe now.