Duhamnain eirukna cancer ang maiin siam: SC

Hausakna duha duhamna chintawk nei lo chuan eirukna chu cancer ang maia siamin constitutional court chuan ram mipuite chu eirukna lakah zahngaihna lantir hauh lova thil sual titute lakah hremna na tak a lekkawh a ngai a ni, tiin Supreme Court chuan a sawi.
Top court chuan eirukna chu Consstitution in social justice India rama a awm theih nan leh hausakna insemzai rual a thlen theih nana ‘premable a thutiam’ a siam tihhlawhtlin a a nih theih nana bahlahna siamtu ber a ni, a ti bawk.
Bench of Justices S Ravindra Bhat leh Dipankar Datta te chuan heng thu te hi Chhattisgarh High Court-in principal secretary hlui Aman Singh leh a nupuite an hlawh phu lova hausakna an chhekkhawl tia puh chungchanga FIR theh luh te a hnawlsakna khinna a ngaihtuahnaah a sawi.
“Constitution preamble chuan India mipui ten hausakna insemzai theih nan leh social justice an neih theih nana thutiam a nei chungin a taka hlawhtlinna hmuh chu hla tak a la ni. A ber a nih loh pawhin hmasawnna thlen theih lohna chhan ber chu chiang takin ‘eirukna’ hi a ni,” tiin a sawi zui bawk.
“Eirukna hi a duhawm lo va, kan ni tin nunphungah a inrawlh vel vek mai. Tunah phei chuan sorkar kaihhnawihah chauh ni lo, vanduaithlak takin khua leh tui tha te pawhin mihring nunphunga bet tlat an ti tawh an ti a ni,” tiin Bench chuan a sawi bawk a.
Top court chuan Constitution siam leh dintu tena society-a moral value tha awm se an duhna community tina a tlahniam zel chu pawi tak a ni, a ti bawk a.
“Eirukna bul hrefiah tur hian inhnial chiam a ngai lo. ‘Duhawmna’ hi Hinduism-ah chuan sual pasarih zinga pakhat a ni a, a nghawng a turu hle. A nihna takah chuan hausak atchilhna hian eirukna chu cancer ang maiin a siam a ni,” tiin Top Court chuan a sawi bawk a.
“Eiru tena dan lekkawhtute an bum theih chuan, an hlawhtlinna chuan man hlauhna pawh a tihniam zel a. Dan leh hrai chhehvel te chu anmahni ni lo midangte tanah an ngai a. Man nih chu an tan chuan sual a ni,” tiin Top Court chuan a sawi bawk.
Eirukna nasa tak te chu phochhuahin a awm fo tiin bench chuan a sawi a, a pawi ta ber zawk chu investitgation leh inquiry kalpui chhunzawm dan zawk chu a ni, a ti bawk a.
“|um tam tak chu eirukna te phuai taka kalpui fo a ni a. Hetianga kalpui chhunzawm zel hi kan remti dawn em ni? Sorkar hnathawk eiru te finfiaha hrem hi Prevention of Corruption Act in tihmakmawh a tih a ni,” a ti bawk a.
“Constitution pawma kalpuitu mipuite hian dinhmun sang chelh te atangin standard sang tak kan beisei a, constitutional ethos leh values te lekkawh turin kan beisei a ni. Vanduaithlak takin chu chu kalpui hleihtheihin a awm lo va, a chhan chu mimal tlemte public service-a awmte mipui tana thawka inchhal ten thil dang zawng aia mimal thil an dah pawimawh vang a ni a, an sum lakluh hriatpui nena inmil lova hausakna nasa tak an chhekkhawl zui thin a, chu chu ramin a tuar a ni,” a ti bawk.
Apex Court chuan corruption cancer tihtawp a nih theih nan leh a zual zel loh nana dan pawh siam a nih thu sawiin kum sawm thlenga lung in tantir theihna a awm chungin eirukna nuaibo chu tun dinhmunah hian ngaihtuah ngam theih pawh a ni lo a ti bawk a.
“Fairy tales a magic wand anga duhamna phiahfai mai nghal theihna a awm lo, Constitutional Court hian eirukna laka ngaihhnathiamna nei hauh lova chu thil sual titute na taka hrem turin mipuite lakah mawhphurhna a nei lo,” tiin a sawi bawk a.
“Chu hna erawh a hautak hle mai a, buhsi atanga buh tak thliar hrang tura beihna chu hautak tak a ni. Chuvangin hma lam hun tha zawk a awm theih nan sawihona pawh chhunzawm ni se kan ti a ni,” a ti bawk.
Apex Court chuan ram chhung dan chuan sorkar hnathawk tena an service chhunga dik lo taka an intihhausak chu a khap tlat a ti bawk a.
“Sorkar hnathawkin a rosum a tihpun ur ur chu constitution-in a phalsak a ni lo va, Prevention of Corruption Act hmanga enfiah tur a ni,” tiin court chuan a sawi bawk.
Chhattisgarh High Court chuan a hmain Singh leh a nupui te dik lo taka sum lalut tia puhna case chu dan kalphung kalha registration tih a ni tih bakah a lan danah thil sual an ti ni ngeia ngaih behchhana puhna chauh tiin a lo hnawlsak tawh a.
He case hi RTI activists Uchit Sharma chuan February 2020 khan Prevention of Corruption Act, 1988 and 120 (B) (criminal conspiracy) of the Indian Penal Code hmanga complaint a siam hmanga ziah luh a ni.