Chief election commissioner Rajiv Kumar kaihhruai Election Commission of India team chuan Ningani khan Assembly House Annexe-a Systematic Voters’ Education and Electoral Participation (SVEEP) exhibition an tlawh bakah voter thlanbikte chawimawina an hmanpui. ECI team hian Mizoram district tina SVEEP hmalakna kaltlanga vote nei rual zawng zawng electoral roll-a inziaklut tur leh vote thlak pawimawhna inzirtirna an kalpui dan tarlan chu an en a. District election officer tin ten an hmalakna an sawifiah. Heng bakah hian model polling station leh electronic voting machine bakah Aizawl district SVEEP merchandise hrang hrang phochhuah a ni bawk.
Voter category hrang hrang – kum 80 chunglam, hmeichhe voter, young voter, Persons with Disability aiawh mi pakhat theuh bakah state icon pahnih – S Malsawmtluanga leh Lalbuatsaiha te hnenah chawimawina hlan a ni.
CEC chuan ECI-in SVEEP hla a phuah “Main Bharat Hoon” Mizo tawnga lehlin chu inthlanpui awm tur theme song atan a tlangzarh a. Pachhunga University College zirlaiten vote thlak pawimawhna thupuiah hmangin lem an chang bawk.
College hrang hranga Electoral Literacy Club (ELC) atangin leh upa pawl, PwD, young voters leh hmeichhe voter aiawh sawm bikte an tel a. Programme zawh hian ECI team hian Delhi an pan nghal a ni.
ECI hotuten exhibition tlawh
Get real time updates directly on you device, subscribe now.
Prev Post