ECI leh CCI(M) inrem remti

Siaha district-a kohhran lian pahnih, Sap missionary hnuaia awm thinte chu kum 35 chhung an awmhran hnu ah inpumkhat tura hma lak an remti.
Evangelical Church of Maraland (ECM) Kohhran rorelna sang ber, Assembly vawi 101-na chu February 28 atanga March 3 chhung khan Bethesda Kohhran Meisavaih Siaha-ah neih a ni a. Rorel inkhawmah kum 35 chhung ECM leh Congregational Church of India (Maraland) inthen tawh chu inrem an remti a; Implementing Committee dinin kohhran pahnih inpumkhat tak tak turin Special Assembly koh a ni ang. Constitution & Rules 2024 Revision chu 2024 April 1 atanga hman tan tura pawm a ni.
Mara Bible Revision 2022 copy 12000 print nawn nise an ti bawk.
Assembly-ah hian pro.pastor atan mi pahnih lakluh an ni a, pastor-ah mi pathum nemngheh niin, pastor pension chhuak tur mi pali thlah an ni.
Kum 2024 – 2025 ECM budget atan Rs. 50,86,000 pawm a ni a. Kohhran Upa kum 75 chunglam an rawngbawlna pension chungchang relin, kum 75 hnu ah upa seat chiah chhuahsanin, thuhril leh chanvo nihna an la nei chhunzawm thei dawn a ni.