Ecuador province thenkhatah emergency

Ecuador President Guillermo Lasso chuan tun hnaia tharum thawhna nasa tak thleng avangin coastal province pathumah state of emergency leh zan lam curfew a puang a. Buaina avang hian mi pariatin nunna an chan phah tawh a ni.
Lasso hian Manabi leh Los Rios leh Guayaquil bula Duran khawpuiah te, coastal city Manta mayor Agustin Intriago chu Pathianni a kahhlum a nih avangin state of emergency a puang a ni.
Kar kalta lawk khan Guayaquil a Penitenciari del Litoral Luing In ah gang pawl hnih te inbeihna nasa tak a thleng bawk a.
Lasso hian Ecuador in prisot riot nasa tak tawka ram pum hmun hrang hranga tharumthawhna a thleng chungin state of emergency puan a hreh thn hle thung a.
“Organized crime hian kan ram, political organization leh society te a fanchhuah hneh zia kan hai thei lo. Kum sawm tam tak ata tawh he harsatna hi intan tawh a ni,” tiin Lasso chuan a sawi a.
State of emergency hian ni 60 a awh dawn a, curfew erawh boruak azirin a danglam thei ang tiin sorkar chuan a sawi a. Manta mayor thihna chu chhui chian mek a ni tiin Lasso chuan a sawi bawk.
Hei bakah hian Cotopaxi, Azuay, Canar, El Oro leh Napo Lung In tah te chuan lung in tang ten guard 96 an hreng mek bawk a. Chutih laiin Lung in tangte chuan lungawilohna chawnghei an kalpui mek bawk.
South American rama prison system chuan kum tam tak structural problem a nei tawh a, jail-a tharumthawhna pawh kum 2021 atang khan nasa zual zelin mi 400 chuangin nunna an chan phah tawh a, hei vang hian United Nations leh Inter-American Commission on Human Rights te pawh an tawng chhuak hial tawh a ni.