Eid-ah Muslim ho inhrilh thar
Muslim sakhaw zuituten chawngheia tawngtai leh sakhaw tana an inpumpekna hun an hman, Ramadan tawp ni an lawmna, Eid-Ul- Fitr chu March 31 khan hman a ni a. Mizoramah pawh Aizawl leh a chhehvelah hemi pual hian hun an hmang.
Aizawl Mosque Committee leh Mizoram Muslim Welfare Society-in Aizawl West Joint YMA Field-a hun an hmannaah an awmna hmun ang zela insiamrem a tul a, ram dan an lo siamsa chu zawm a pawimawh tih inhrilh tharin, Mizorama hnathawh tum emaw hnathawka awm lai mekte tan inner line permit (ILP) neih ngei a tul tih an inhrilh.
Punkhawmna atana an hman field hman phalsaktu Aizawl West Joint YMA chungah leh police/traffic police-in an buaipuinaah lawmthu an sawi. Mizo mipui chungah lawmthu sawiin, an mamawh hnathawh tur an neih theih chhan chu Mizo mipui an ni tih an sawi.
Joint YMA Field-ah hian Eid hmang Muslim sakhaw zuitu 3000 vel an kalkhawm a. Pushpak Mosque-ah mi 500 chuang leh Sairang Mosque-ah mi 100-150 vel an kalkhawm tih an sawi a ni.
Eid-ah Muslim ho inhrilh thar
Get real time updates directly on you device, subscribe now.
Prev Post