Eizawnnna tlaka NE thalai chherna tur kalpui tan dawn

Eizawnnna tlaka NE thalai
chherna tur kalpui tan dawn
India hmarchhak thalaiten eizawnna tlak thiamna an neih theihna tura a bik taka hmalak bultanna – “Pilot initiative for special intervention for promotion of Apprenticeship in North Eastern Region (NER)” kalpui a ni dawn.
Thawhlehni khan Aizawlah Union minister of state for Skill Development & Entrepreneurship Jayant Chaudhary leh chief minister Lalduhoma ten a rualin an hawng a. He thil hi Prime minister Narendra Modi hlathlir ‘Viksit Bharat, Viksit Northeast’ tihhlawhtlinna atana hmalakna peng niin, he programme kaltlang hian hmarchhak state 8-a Industrial Training Institute (ITI) 109 chu tihchangtlun a ni ang.
Hmarchhaka Micro, Small and Medium Enterprises (MSME) ten trade hrang hranga an mamawh ang zat thalai hna thiam tak chhawr tur an neih bakah hmarchhak piahlama thawn chhuah tur thalai thiamna bik nei tam tak chher chhuah tum a ni.
ITI hnuaia thiamna zir thalai an pun beisei niin, trade/sector hrang hrangah hma lak tum a ni a, a tul anga dah belh tum a ni. Thlatin stipend an dawn tur awmsa Rs. 1500 bakah Rs. 1500 dang PM-NAPS kaltlangin an zir chhung zawng an dawn belh dawn a ni.