EMRS Mizoram zirtirtu tharte inzir

Mizoram EMRS Society leh Mizoram Social Welfare & Tribal Affairs department buatsaih Eklavya Model Residential School (EMRS) hnuaia thawktu lak tharte puala inzir tharna buatsaih chu Thawhtanni khan Aizawlah neih tan a ni a, August 16 thleng an nei ang.
Social Welfare & Tribal Affairs minister Lalrinpuii chuan training hi a hawng a. Eklavya Model Residential School chuan zirna tha leh changtlung zawk bakah khawtlangah intluktlanna thlen a tum tih sawiin, EMRS Mizorama hna thawk tura lak thar, India ram hmun hrang hrang atanga lokalte chu hemi tiipuitling tura mi pawimawh tak an nih avangin inpumkhatna, mitin huapzo leh hmasawnna thil thar thlen tura theihtawp chhuah turin a fuih.
“Kan tum ber tur chu zirna chauh nilo, khawtlang tana chhawrnahawm mitha chherchhuah a ni a. Mizorama hna in thawh chhungin hmasawnna atan chona hmang thiam ula; Mizoram chu tawng, hnam ziarang leh tih dan phung hrang hrang awmna a nih avangin hengte hi pawm thiama inzirna leh hmasawn nan hmang thiam ukla, hei hian zirna hmunhma duhawm leh zahawm a siam thin a ni,” a ti.
Orientation training-ah hian EMRS school 11 hnuaia thawktu lak thar mi 42 an tel a ni.