Mizoram sawrkar hnuaia hmasawnna ruhrel hna thawh hrang hrang endik tura din, Mizoram State Project Monitoring Committee (MSPMC) chuan June 7 khan Eklavya Model Residential School Tlungvel an tlawh.
EMRS hi sawrkar laipui Ministry of Tribal Affairs-in Article 275 (i) hnuaia hmun kilkhawra scheduled tribe naupangten national standard quality education an neih theihna atana ruahman a ni a. Middle school leh high school naupangten CBSE standard a thlawnin an zir thei a ni.
MSPMC Team hian plan angin building-te sak a ni em tih an endik a. He school hi kumin July 8-ah an hawn dawn avangin, building la zawh fel loh chu a rang thei ang bera zawh a nih theih nan hna kalpui dan turte a thawktute an sawipui a ni.
EMRS Tlungvel-in a ken tel te chu – school building Rs.4,42,16,000 senga sak; mipa leh hmeichhe hostel Rs.3,53,81,000 ve ve senga sak; choka leh chaw eina hall Rs. 89,05,000; principal quarter Rs.39,24,000; type III quarter pahnih Rs.2,48,88,000; type II quarter pakhat Rs.1,20,35,000; guest house Rs.29,40,000 bakah football ground, volleyball court, basketball court, archery range leh swimming pool a awm a ni.VRS Construction-in a sak a ni.
EMRS Tlungvel building endik
Get real time updates directly on you device, subscribe now.
Prev Post
Next Post