England in Delap an ko tel lo

Chelsea forward thar ni mai tur Liam Delap chu England in Under 21 European championship khel turin an ko tel lo.
Chelsea chuan kum 22 mi Delap hi EPL atanga tlahniam Ipswich Town atanga la turin an dawr fel vek tawh a, club hnihte hi man leh mualah pawh £30m in an inrem fel tawh bawk a, Blues hian an le lut fel thuai tura ngaih a ni. Chelsea chuan an forward thar tur Delap hi Fifa Club World Cup khel turin USA-ah hruai an duh a, Slovakia a khelh tur Under 21 Euro-ah ko tel lo turin England team enkawl tute an ngen. Heti a nih vang hian England hian an ko ta lo a ni.
England in Delap an koh loh lai hian Club World Cup khel thei dinhmuna ding mek Jobe Bellingham erawh an ko tel thung. Jobe Bellingham hian a u, Jude Bellingham club hlui Borussia Dortmund a zawm fel thei tep tawh. Dortmund pawh hi Fifa Club World Cup khel tur an ni a. Heti chung hian England hian ram aiawh turin an ko tho thung. Bellingham rual EPL champion Liverpool player winners Jarell Quansah leh Harvey Elliott te koh tel an ni bawk a. Manchester City rawlthar James McAtee leh Newcastle United player Tino Livramento te pawh Three Lions player langsar zingah an tel ve bawk.
U21 Euros hi June 11-28 chhungin Slovakia khawpui hrang hrangah khelh a ni dawn a. Champion tura rinkai zinga mi England hian an match hmasa berah Czech Republic an hmachhawn dawn a, Slovenia leh Germany an hmachhawn zui leh dawn bawk. from 11-28 June.
U21 Euro – Full squad
Goalkeepers: James Beadle (Brighton and Hove Albion), Teddy Sharman-Lowe (Chelsea), Tommy Simkin (Stoke City)
Defenders: Charlie Cresswell (FC Toulouse), Ronnie Edwards (Southampton), CJ Egan-Riley (Burnley), Tino Livramento (Newcastle United), Brooke Norton Cuffy (Genoa), Jarell Quansah (Liverpool)
Midfielders: Elliot Anderson (Nottingham Forest), Jobe Bellingham (Sunderland), Archie Gray (Tottenham Hotspur), Hayden Hackney (Middlesbrough), Jack Hinshelwood (Brighton and Hove Albion), Tyler Morton (Liverpool), Alex Scott (AFC Bournemouth)
Forwards: Harvey Elliott (Liverpool), Omari Hutchinson (Ipswich Town), Sam Iling Jnr (Aston Villa), James McAtee (Manchester City), Ethan Nwaneri (Arsenal), Jonathan Rowe (Marseille), Jay Stansfield (Birmingham City)