England squad a\angin Saka inpuchhuak

England squad aTangin Saka inpuchhuak
Kartawp hi khawvel hmun hrang hranga international football khelh hun a lo ni chho leh ta a, Pathianni Premier League match pakhata champion lai Manchester City laka 1-0 hnehna an chan Tum pawha kaihza tha na avanga khelmual lut thei lo tawh Arsenal forward Bukayo Saka chu England squad aTangin a inhnukdawk a, ram tan October game pahnihah Australia leh Italy a hmachhawn ve thei dawn ta lo.
FA chuan Saka hliam hi England medical team lamin an endik tawh thu leh player 25 dang inhliam ve lo awmna squad-ah Saka hmunruak hnawhkhah tumna an nei lo tih an tarlang tel.
England leh Australia hi zanin, October ni 13-ah intumin, nili a liam leh rualin European Championship qualifier lamah Three Lions hian Italy an su zui leh nghal ang.
Gunners boss Arteta chuan Pathiannia hnehna lian an chan hnu khan ram tana Saka inlan theih loh tur thu hi nemnghet tawhin, training session vawikhat pawh la zawm thei lo a nih thu leh engtia rei nge a chawlh dawn hriat theih a nih rih loh thu a tarlang tel, tun dinhmunah football khel thei zia zang a la nih rih loh thuin a player inhliam chungchanga a thusawi tlang a kawm.
City game-a a inlan theih tak loh avang khan Premier League game 87 khel zawn tling kum 22 mi Saka chuan Arteta hnuaia a khelh zawn rei a chhunzawm thei ta lo a ni.
England mihang winger Saka hi tunhnai kan hnung chhoah khan kaihza tha na avangin a talbuai chho reng a, karliamta Thawhlehni Cham-pions League group stage match-a mualneitu Lens laka 1-2-a Arsenal tlawm Tum pawh khan khel zo thei loin a bai chhuak a, a hnua Bournemouth an luhkhung Tum pawhin a inhnukdawk tawh bawk.
Tun international break laia an chet dan hian nakkum nipui laia khelh tur European Championship an khel pha dawn em tih a hril dawn a, player Tha a mamawhna a san laiin England manager Gareth Southgate chuan karliamta Ningani khan Saka laka risk lak a tum loh thu a sawichiang a, player-ten taksa lama harsatna an tawh laia chhawr luih a tum ngai loh thu leh hun lo kal zel turah pawh chuti zawnga a kal ngai loh tur thu a sawi.
“Kan thutlukna siamte reng reng hi hun rei zawk atana Tha tur a nih tlat avangin Premier League club-te pawhin kan lakah hian rinna an nghat ve tlat reng a ni.”