England manager Gareth Southgate chuan an senior team a khel turin Under 21 tana khel thin pathum Cole Palmer, Ezri Konsa leh Rico Lewis te a ko.
Euro 2024 khel tur zawnnah tling chiang tawh chungin England hian Malta leh North Macedonia te an hmachhawn zui leh dawn a, November 17 leh 20 ah inkhel a hmachhawn dawn. Malta leh North Macedonia hmachhawn tura koh sa James Maddison, Callum Wilson leh Lewis Dunk ten hliam vangin ram ai an awh thei dawn lo va, an hmunruak luah turin rawlthar pathum Cole Palmer, Ezri Konsa leh Rico Lewis te koh an ni zui ta a ni.
Forward Cole Palmer hian nipui bazar inhawn lai khan Manchester City atangin Chelsea a zawm a, a ti fuh hle. Season tharah Chelsea tan mit la takin a inlan a, Pathianni zanah Chelsea leh Manchester City te 4-4 a an inhnehtawk tum khan Palmer hian Chelsea si phurh sutna goal a thun nghe nghe. England U-21 player pawimawh niin European championship-ah a lo champion pui tawh bawk a, senior team a kaisan hi a phu viau a ngaih a ni.
England senior team ah hmel thar pathum an awm lai hian tunlaia chetha tak Real Madrid midfielder Jude Bellingham erawh chu dar hliam vangin a dinhmun a la chiang lo thung a, England tan a fehchhuak thei lo mai thei.
England tan mi thar pathum
Get real time updates directly on you device, subscribe now.
Prev Post