England v Australia hamtu tur Frappart

History nena inzawm tlat an tih mai hmeichhe referee lar Stephanie Frappart chuan tunkar tawp ZIrtawpni international friendly match-a England leh Australia inkhel hi a ham dawn a, hmeichhe official zinga Wembley khelmuala men’s international match ham hmasaber tur a ni.
French nu rothap Frappart hian 2022 World Cup-ah khan history thar siamin, Germany-in Costa Rica laka 4-2 hnehna an chan tum khan hamrik nen khelmualah hun a hmang a, hmeichhe referee zinga men’s World Cup fixture vil thei hmasaber a ni.
Qatar 2022 hnu lamah pawh record dangin a umzui leh mek a, hmeichhe referee reng rengin mipa inkhel an la ham ngai lohna Wembley khelmual hmingthangah inkhel a thunun dawn!
FA refereeing operations head Peter Elsworth chuan Stephanie fakin, referee tha tawp thang a nih thu leh thutna awm zawng zawng pawh an hralh zawh vek tawhna Wembley Sta-dium-a Australia an mikhualna game a ham tur chu an hlim hle tih a sawi a, amah leh a team-te chu English football inpuiin a lo welcome dawn tih a sawi.
Frappart hi assistant referee pahnih Mikael Berchebru leh Aurélien Drouet bakah fourth official Hakim Ben El Hadj, VAR Mathieu Vernice leh assistant VAR Nicolas Rainville-te’n an pui dawn a, an vai hian French mi vek an ni.
Kum 39 mi Stephanie Frappart hian an ram lamah men’s Ligue 2 leh Ligue 1 fixture a vil mek a; Champions League leh Uefa Super Cup lama hmei-chhe official ni thei hmasaber a lo ni tawh bawk.