England women’s player of the year Alessia Russo
England women’s player of the year Alessia Russo
Euro 2025 qualification campaign-a goal thum thun tling Alessia Russo chu kum 2023-24 chhunga England women’s player of the year atan thlan a ni.
Kum 25 mi Russo hian England tan a tir atanga lutin game 11 a khel tling ve tawh a, kum khat chhunga goal ruk thun tlingin, Lionesses chu nakkum nipui thawt laia Switzerland rama nghah Euro khel turin a tlinpui tawh.
Arsenal forward Russo hi tun kum 10 liamta chhunga Arsenal player zinga he chawimawina dawng thei palina niin, hetih chhung hian Ellen White leh Lucy Bronze chuan tum hnih ve ve an dawng.
Forward ve bawk Lauren James chu kumin hian fans vote hmu tam pahnihna niin, defender Lucy Bronze chu pathumna a ni thung.
World Cup final khel tura England hruaithlengtu goalkeeper Mary Earps kha nikuma England women’s player of the year award dawngtu a ni.
Naktuk zanah England hmeichhe team hian Wembley khelmualah Germany an mikhual dawn a, hei hi Euro 2022 final-a Lionesses an chak hnua ram pahnih insut leh vawikhatna tur a ni.
Sarina Wiegman-i team England hian October ni 29, Thawhlehni friendly match-ah South Africa an mikhual ang.
Kum 2014 hnua award dawngtute
2023-24 : Alessia Russo (Arsenal)
2022-23 : Mary Earps (Manchester United)
2021-22 : Beth Mead (Arsenal)
2020-21 : Ellen White (Manchester City)
2019 : Lucy Bronze (Lyon)
2018 : Ellen White (Birmingham City)
2017 : Jodie Taylor (Arsenal)
2016 : Jordan Nobbs (Arsenal)
2015 : Lucy Bronze (Manchester City)
2014 : Toni Duggan (Manchester City)